Fréttir

Ólympíuhlaup ÍSÍ fór fram miðvikudaginn 23. september. Allir nemendur skólans tóku þátt í þessum flotta viðburði af lífi og sál. Sérstaklega var gaman að fá elstu tvo árganga leikskólans með í hlaupið, en krakkarnir sýndu ótrúlegan dugnað. Hlaupið var á hlaupabrautinni á íþróttavellinum þar sem hver og einn lagði sig allan fram. Samanlagt náðu allir þátttakendur frábærum árangri og hlupu samtals 208,8 kílómetra. Þetta var einstaklega hvetjandi og skemmtilegur dagur þar sem samstaða og hreyfigleði réðu ríkjum hjá okkur. Við vorum gríðarlega stolt af þessari glæsilegu frammistöðu allra okkar krakka sem stóðu sig svo vel.

Nemendur og kennarar Reykjahlíðarskóla hafa undanfarin tvö ár tekið þátt í alþjóðlega Erasmus+ og eTwinning verkefninu Climate Justice for Change (CJ4C!) ásamt samstarfsskólum í Póllandi, Rúmeníu og Tyrklandi. Reykjahlíðarskóli hafði umsjón með verkefninu sem samhæfingarskóli.

Starfsfólk skólans mætti til starfa þann 14. ágúst og er núna í óðaönn að undirbúa komu nemenda. Skólastofurnar og gangarnir bíða spenntir eftir lífi og fjöri. Allir eru að leggja sig fram við að skapa lærdómsríkt og hvetjandi umhverfi fyrir komandi vetur. Skólasetning fer fram mánudaginn 24. ágúst klukkan 16:00. Við hvetjum alla nemendur og foreldra til að mæta með bros á vör og fagna nýju skólaári saman. Fram undan er spennandi ferðalag fullt af skemmtilegum áskorunum, nýrri þekkingu og vináttu. Við hlökkum mikið til að sjá ykkur öll!

Nemendur Reykjahlíðarskóla í Mývatnssveit tóku þátt í verkefninu Bókmenntahátíð barnanna í desember 2025. Þetta var samvinnuverkefni milli fjögurra skóla á Norðurlandi; Hrafnagilsskóla í Eyjafjarðarsveit, Valsárskóla á Svalbarðseyri, Reykjahlíðarskóla og Stórutjarnaskóla í Þingeyjarsveit. Nemendurnir skrifuðu barnabók, hönnuðu bókarkápu og teiknuðu myndir í bókina. Þegar bók er gefin út þarf að sjálfsögðu að stofna bókaforlag fyrir útgáfuna og að útbúa merki forlagsins. Í Reykjahlíðarskóla var bókaforlagið Dimmuborgir stofnað og voru 11 ólíkar bækur fyrir börn gefnar út. Þær voru seldar á Bókmenntahátíð barnanna að Hrafnagili og svo var haldin lítil hátíð í Reykjahlíðarskóla fyrir íbúa Mývatnssveitar.

Skákmót Reykjahlíðarskóla var haldið í byrjun febrúar. Keppt var í tveimur flokkum, yngri flokkur 1. – 7. bekkur og eldri flokkur 8.-10. bekkur. Yngri flokkur spilaði eftir Monrad kerfi en í eldri flokknum spiluðu allir við alla. Þrjátíu nemendur tóku þátt í mótinu en aðrir nemendurnir æfðu sig að tefla á sama tíma.

Unglingastig skólans setur upp hið sívinsæla leikrit Dýrin í Hálsaskógi og aðrir námshópar sýna sínar útfærslur á skemmtilegum ævintýrum. Miðaverð er 1500 krónur fyrir 16 ára og eldri og boðið verður upp á kaffi og smákökur í hléi. Tilvalið tækifæri til að sjá hversu mikil vinna og gleði er fólgin í skapandi starfi nemenda. Öll eru velkomin!

Í byrjun skólaárs tóku nemendur unglingastigs þátt í Fernuflugi, sem er textasamkeppni mjólkursamsölunnar.

Liðið, Jóhannes´s Minions, keppti í vélmennakappleik á stóra sviðinu þar sem þau voru búin að forrita og byggja þjark úr legokubbum til að leysa ákveðnar þrautir. Þau náðu svo glæsilegu 2. sæti í nýsköpunarverkefninu en verkefnið þeirra þeirra vakti mikla athygli. Þau hönnuðu vélmenni sem greinir lit og áferð jarðvegs, sem var bæði snjallt og hagnýtt.

Á dögunum fékk nemendafélagið góðan styrk frá Landsvirkjun sem nýttur var upp í kaup á skólabolum fyrir skólann að eiga við ýmis tækifæri. Nemendur völdum bleika boli og í tilefni bleika dagsins í gær voru þeir mátaðir og tekin hópmynd af nemendum skólans. Við þökkum Landsvirkjun kærlega fyrir stuðninginn og hlökkum til að nota bolina við ýmis tækifæri.

Í byrjun vikunnar komu Ingibjörg Lukka skólahjúkrunarfræðingur og Jóna Ósk hjúkrunarfræðingur á Heilsugæslunni í heimsókn til okkar á unglingastigi og voru með kennslu í endurlífgun. En um daginn fékk skólinn 6 endurlífgunardúkkur að gjöf frá Kvenfélagi Mývatnssveitar og Slysavarnardeildinni Hring.