Reykjahlíðarskóli

Í vikunni var settur upp nýr og glæsilegur vatnsbrunnur í sal skólans við mjög góðar undirtektir nemenda og starfsmanna. Með góðu samstarfi skólans og nemendafélagsins við Landsvirkjun sem styrkti kaupin á brunninum og með góðri aðstoð Daníels Ellertssonar sem tengdi brunninn geta nú nemendur og starfsfólk auðveldlega fengið sér ferskt og kalt vatn á hverjum degi. Við í skólanum viljum færa nemendafélaginu, Landsvirkjun og Daníel okkar allra bestu þakkir fyrir glæsilegt framtak, vel unnin störf og ómetanlegan stuðning. Takk fyrir okkur.

Ólympíuhlaup ÍSÍ fór fram miðvikudaginn 23. september. Allir nemendur skólans tóku þátt í þessum flotta viðburði af lífi og sál. Sérstaklega var gaman að fá elstu tvo árganga leikskólans með í hlaupið, en krakkarnir sýndu ótrúlegan dugnað. Hlaupið var á hlaupabrautinni á íþróttavellinum þar sem hver og einn lagði sig allan fram. Samanlagt náðu allir þátttakendur frábærum árangri og hlupu samtals 208,8 kílómetra. Þetta var einstaklega hvetjandi og skemmtilegur dagur þar sem samstaða og hreyfigleði réðu ríkjum hjá okkur. Við vorum gríðarlega stolt af þessari glæsilegu frammistöðu allra okkar krakka sem stóðu sig svo vel.

Nemendur og kennarar Reykjahlíðarskóla hafa undanfarin tvö ár tekið þátt í alþjóðlega Erasmus+ og eTwinning verkefninu Climate Justice for Change (CJ4C!) ásamt samstarfsskólum í Póllandi, Rúmeníu og Tyrklandi. Reykjahlíðarskóli hafði umsjón með verkefninu sem samhæfingarskóli.

Starfsfólk skólans mætti til starfa þann 14. ágúst og er núna í óðaönn að undirbúa komu nemenda. Skólastofurnar og gangarnir bíða spenntir eftir lífi og fjöri. Allir eru að leggja sig fram við að skapa lærdómsríkt og hvetjandi umhverfi fyrir komandi vetur. Skólasetning fer fram mánudaginn 24. ágúst klukkan 16:00. Við hvetjum alla nemendur og foreldra til að mæta með bros á vör og fagna nýju skólaári saman. Fram undan er spennandi ferðalag fullt af skemmtilegum áskorunum, nýrri þekkingu og vináttu. Við hlökkum mikið til að sjá ykkur öll!